Kaayarta: Cowardice

Shor hai Shor hai, kanon mei ek shor hai...
Agni hai Agni hai, aankhon mei ab agni hai...
Khoon mein ab garmee hai
Zor hai Zor hai, dhakkon mein ab zor hai...
Mutthhee mein ab krodh hai...
Paurush kee pariksha naheen, manaavta kee zaroorat hai
Kano ko thoons lo ruee se..aankhon par laga lo patti..mutthee ko bhale bheench loh tum..

Par khoon hai, khoon toh ublega...khud se ghrina zaroor karegaa

Main

Haath kee lakeeron ne kaha mujhse main tujhey batata hoon kahan teree raah hai....kahan tera nishaana aur kya teree chaah hai...zyada aankhey duur tak na faila...kar wohee jo tere bas mei hai...main tujhey batata hoon tera vajoot kya hai...aage dekhega toh paas ko bhool jayega..raah mei pade kankar se ja takrayega...na...zar rakh kadmon pe aur tuu chaltaa jayega... kar mujhpe bharosa tu aage badhtaa jayegaa...

Haath kee lakeeron se maine kaha..tujhey banaya bhee maine hai..or meree mutthhee mein tu hai..ungliyan mod loon agar tujhey zameen hai dikhtee ungliyan chodh doo agar asman bhee choo payega...hai mujhey khud pe bharosa main chalta chala jaunga..raah ke kankad se zaroor ladkhadaunga par in hathon se sambhal jaunga..d...uur pe hogee nazar par paas ko saath le jaunga..aage badhta chala jaunga..khud kee lakeeren banaunga

KYUN

Kyun aisa lagtaa hai aaj ek arsaa beet gaya...
Kyun aisa lagtaa hai main sapnon ko peechey chod gaya..
Kuch bada paaney kee chah mei..khud ko peechey chodh gaya...
Umr beet rahee hai yuheen...kyon aankhen moond gaya...
Sab kuch apne bas mei tha...kyuun lagtaa hai rastaa bhool gaya..
Sab kuch chaahna par kuch na kar pana...kya chaahat mei main karnaa bhool gaya..